Мекеним — менин жүзүм!

ТалМУда 23-ноябрда Кыргыз Республикасынын Өкмөтүнүн Талас облусундагы ыйгарым укуктуу өкүлүнүн аппараты, Кыргыз Республикасынын Президентинин Аппаратына караштуу «Ыйман» диний маданиятты өнүктүрүү фондусу менен биргеликте «Интеллектуалдык Инвестиция» долбоорунун алкагында инсандын интеллектуалдык жана руханий жактан өнүгүүлөрүнө багытталган семинар болуп өттү. «Ыйман» диний маданиятты өнүктүрүү фондусунун төрагасы Н.Кадырбеков «Адеп державасы» деген аталышта семинар өтүп, андан тышкары «Ыйман” фонду тарабынан тартылган «Энеге зыярат» аттуу тарбиялык видеоролик көрсөтүлдү. Акцияга арналып тартылган «Балдар таза шаар үчүн», «Жүзүмө түкүрбө, мекендешим!», “Түкүрбө» деген роликтердин презентациясы болду. Аталган семинардан кийин «Ыйман адеп жана маданият» жылына карата «Мекеним — менин жүзүм!» аттуу акциясы өтүп, анда студенттер Талас шаарынын тургундарын коомдук жайларда жана көчөдө түкүрбөөгө, шаарды тазалыкта кармоого чакырышты.

Прокрутить вверх