КЫРГЫЗТЕСТ боюнча семинар-кеңешме

12-декабрда жыйын залда «Административдик кызмат орундарын ээлеген мамлекеттик жарандык кызматчылардын жана муниципалдык кызматчылардын мамлекеттик тилди өзүнүн кызматтык милдеттерин аткаруу үчүн керектүү көлөмдө билүү деңгээлин белгилөө жана аны мамлекеттик органдар менен жергиликтүү өз алдынча башкаруу органдарынын ишине киргизүү мөөнөтү жөнүндө” жана КЫРГЫЗТЕСТ системасы боюнча семинар-кеңешме болду. Семинар-кеңешменин максатын катышуучуларга университеттин мамлекеттик тил боюнча проректору С.С.Жумалиев кыскача түшүндүрүп өттү. Ал эми КР Президентине караштуу Мамлекеттик тил боюнча улуттук комиссиянын билим берүү бөлүмүнүн башчысы А.О.Ишеналиева мамлекеттик тилди өнүктүрүү багытында мерчемделген иш-чаралардын аткарылышы, көйгөйлөрү жөнүндө кеп козгоп, семинардын катышуучуларынын суроолоруна жооп берип, бул багытта жасай турган иштерди белгиледи.

Прокрутить вверх