Жашоо – убактылуу, илим — түбөлүктүү

10-ноябрда ТалМУда илим күнү салтанаттуу белгиленди. Окуу жана илимий иштер боюнча проректор М.С.Тургумбаев тарабынан окуу жайдагы илим-изилдөө иштеринин динамикасы, изилденип жаткан приоритеттүү илимий багыттар туурасында презентация жасалып, алдыда илим багытында аткарыла турган иштерге токтолуу менен азыркы учурда университетте окутуучулардын сапаттык көрсөткүчү өсүп жатканын, анын ачык далили катары 43 илимдин кандидаты жана 3 илимдин доктору иштеп жактандыгын баса белгиледи. Ушул салтанатта педагогика илимдеринин доктору окумуштуулук даражасынын дипломун алган Ш.Ж.Курманкуловго ТалМУнун ардак грамотасы 3000 сом акчалай сыйлыгы менен, окуу жайдын кесиптик кошунунун төрагасы Э.Абдраимов тарабынан 5000 сом акчалай сыйлык тапшырылды. Мындан сырткары өткөн окуу жылында илим жаатында ийгилик жараткан окутуучуларга ардак грамоталар жана акчалай сыйлыктар ыйгарылып, илимпоздорго арналган көркөм маданий программа тартууланды.

Прокрутить вверх