«Билим алуу-долбоорлор аркылуу» аттуу семинар өтүлдү.

ТалМУнун Табият таануу жана педагогика  факультетинде  областтык  масштабда «Билим алуу -долбоорлор аркылуу «аттуу  семинар өтүлдү. Семинарга ТалМУнун ректору  А.Ш.Упенов, окуу жана илимий иштер боюнча проректор М.Тургунбаев, ТТП факультеттин деканы У.Ж.Мырзабекова, аталган  факультеттин  окутуучулары, студенттери жана шаардык мектептердин  жетекчилери  катышышты.

Бул иш-чарада А.Ж.Ажибаева педагогика  кафедрасынын  долбоордук-усулдук  иштерин, В.Бешкемпирова  табият таануу  кафедрасынын 2016-окуу жылындагы  иштеринин  отчетун, М.Раева  математика кафедрасынын методикалык иш-аракеттерин жана З.Т.Койчуманов «Талас областындагы өзгөчө  корголуучу аймактардагы биологиялык көп түрдүүлүктүн абалы «жөнүндө илимий-усулдук  маалыматтарды  беришип аткарылган иштер боюнча слайд, презентациялар көрсөтүлдү.

Ошондой эле БСХ адистигинин  студенттери «ЛОГО» долбоору  боюнча Германия өлкөсүндө стажировкасы  боюнча отчету жана география адистигиндеги студенттердин ЖОЖдор арасындагы ички академиялык  мобилдүүлүк программасы боюнча ОшМУдагы  окуу учурунда жетишкендиктери  жана кызыктуу окуялары жөнүндө айтып беришип, ТалМУнун студенти болгонун сыймыктануу менен баса белгилешти. ТалМУнун окутуучулар жамаатына ыраазычылыктарын билдиришти. Иш-чаранын соңунда кофе-брейк үстүндө маектешүү болду.

Прокрутить вверх