“Акыл-эси жактан артта калган балдардын психологиялык абалы” аттуу тегерек стол.

ТалМУнун гуманитардык факультеттинде “Тарых жана коомдук илимдер” кафедрасынын окутуучусу К. Туткучбаеванын жетектөөсү жана К-17 группасынын студенттери тарабынан “Акыл-эси жактан артта калган балдардын психологиялык абалы” аттуу тегерек стол өткөрүлдү.

Тегерек столго ТалМУнун мамлекеттик тил жана тарбия иштери боюнча проректору С.С. Жумалиев, Кызыл Ай коомунун кызматкери  Кулипа Шейшенова, “Теңир колдо” реабилитациялык борбордун жетекчиси  Абдымалик Турсаливич Ахметов, факультеттин студенттери, окутуучулары катышты.

Тегерек столдо “Аутизм”, “Дауна-синдромуна” чалдыккан балдардын Талас өрөөнүндөгү абалы жана аларга коомчулук тарабынан моралдык, материалдык жардам көрсөтүүлөрү боюнча сунуш-пикирлер айтылды.

ТалМУнун мамлекеттик тил жана тарбия иштери боюнча проректору С.С. Жумалиев  “Тенир колдо” балдар реабилитациялык борборуна көмөк көрсөтүү ТалМУнун тарбиялык иштеринин календарлык планына киргизилип, материалдык жана моралдык колдоо көрсөтүү иш-чаралары жүргүзүлөөрүн маалымдады.

Прокрутить вверх