Улгайган адамдардын эл аралык күнүнө жана Билим берүү кызматкерлеринин күнүнө арналган салтанат

Талас мамлекеттик университетинде 1-октябрь Улгайган адамдардын эл аралык күнү жана 5-октябрь Билим берүү кызматкерлеринин күнү салтанаттуу белгиленди. Алгач көп жылдык үзүрлүү эмгеги үчүн ТалМУнун кадырман карыларына окуу жайдын ректору А.Ш.Упенов тарабынан ардак грамоталар менен акчалай сыйлыктар тапшырылды. Андан соң билим берүү жаатындагы ийгиликтери үчүн университеттин эже-агайларына, кызматкерлерине ардак грамоталар ыйгарылып, КРнын Билим берүү жана илим министрлигинин “Билим берүүнүн мыктысы” төш белгиси менен Т.Бейшекеев менен А.Курманалиева сыйланышты. Андан соң Талас шаардык депуттар кеңешинин төрагасы М.Эсенкулов окуу жайдын профессордук-окутуучулар жамаатын кесиптик майрамы менен куттуктап, үзүрлүү эмгектенген окутуучуларга Талас шаардык мэриясынын ардак грамоталарын тапшырды. Жыл ичинде мыкты сабак өтүү боюнча уюштурулган сынакта жеңишке жетишкен окутуучуларга ТалМУнун окуу жана илимий иштери боюнча проректору М.С.Тургунбаев тарабынан грамоталар берилди. Мындан тышкары мугалимдерди университеттин кесиптик кошунун төрагасы Э.Абдраимов куттуктап, ардак громата жана 500 сомдон акчалай сыйлык менен сыйлады. Соңунда университеттин таланттуу окутуучулары менен студенттери тарабынан даярдалган көркөм-маданий программа тартууланып, мугалим эже-агайларды майрамдык шаңга бөлөдү.

Добавить комментарий

Ваш e-mail не будет опубликован. Обязательные поля помечены *