Жол эрежелерин биле жүрөлү

13,14-декабрда Талас шаарындагы №4, №6, «№7 орто мектептердин башталгыч класстарынын окуучуларына университеттин окутуучулары менен студенттик парламенттин мүчөлөрү Талас облустук жол кайгуул кызматкерлери менен биргеликте жол кырсыктарын алдын алуу, жол коопсуздугун сактоо боюнча түшүндүрүү иштерин жүргүзүштү. Кесиптик билим берүү бөлүмүнүн “жол коопсуздугун уюштуруу” адистигинин окутуучусу Орозалиев Азамат видео тасма менен мектеп окуучуларына негизги жол эрежелери боюнча сабак өттү. Ал эми жол кайгуул кызматкерлери менен окутуучулар Кынат Шергазы, Осмонов Майрамбек жана М.Токтобеков, М.Капалов, М.Каяев, А.Мамышева, Стамбек уулу Өмүргазы, Р.Бектемиров ж.б. студенттер жол өткөөлдөрүнөн туура өтүүнүн эрежелерин иш жүзүндө мектеп окуучуларын өткөрүү менен көрсөтүшүп, өткөөлдөрдөн жөө жүргүнчүлөрдүн өтүүсүнө жардам беришти. Студенттер мындай демилгени студенттер, жаштар арасында кеңири жайылтуу менен салтка айлантып, мындан ары үзбөй өткөрүп турууну чечишти.

Be the first to comment

Leave a Reply

Your email address will not be published.


*